EKFB - Euskal Kirol Federazioen Batasuna - Unión de Federaciones Deportivas Vascas

Golfa: Javier Sainz gailendu da Bizkaiko Txapelketan

oiane — Tue, 07 Sep 2010 09:20:54 +0000

17 urteko Javier Sainz golfista amateurrak profesionalei aurre hartu die Laukarizen burututako Bizkaiko Txapelketan, Euskal Rankingeko lehenbiziko proban. 68 kolpe eman ditu (4 par pean). III PGAV zirkuitoko bigarren proba Goiburun izango da.

Efren Vazquezek bere bigarren podiuma lortu du

oiane — Mon, 06 Sep 2010 12:35:48 +0000

Efren Vazquezek hirugarren postua erdietsi zuen 125 cc-n, denboraldiko bigarren podiuma alegia, korritutako proban. Marquez izan zen lehenbizikoa. Errekaldekoak izugarrizko lasterketa burutu zuen eta taldekako lana ere egiteko beta izan zuen. Gainera, atzo batutako 16 puntuek Mundialean zazpigarren sailkatzea ahalbidetuko diote.

Euskal Hockey Federazioa talentu bila

oiane — Mon, 06 Sep 2010 10:57:16 +0000

Larunbatetik asteazkenera arte, Fadurako kiroldegian, Emakumezkoen Talentu Bilaketaren programako azken fasea burutuko du Euskal Hockey Federazioak RFEHrekin batera.
Hurrengo denboraldietan 16 eta 18 urte beherako selekzioetako kide izango dira bertan hautatzen diren 14 eta 15 urte bitarteko 28 jokalariak. Tartean lau euskal jokalari daude: Donostiako Santo Tomas Lizeoko Maialen Goenaga, Miren Padilla eta Irene Ibarra eta Getxoko Jolasetako Alejandra Lecanda.

Edozein informaziorako: 657778239

Taekwondoa: Nagore irigoienek brontzea eskuratu du Gazteen Jokoetan

oiane — Fri, 03 Sep 2010 09:20:30 +0000

Singapurreko gazteen Joko Olinpikoetan podiumean izan den euskal ordezkari bakarra dugu Nagore Irigoien taekwondista. Bere mailan finalerdietara iristea lortu du bizkaitarrak, baina Jeon Soo Yeon korearraren aurka galdu eta brontzearekin konformatu behar izan du.

Argantzuko III Crosscountrya

oiane — Thu, 02 Sep 2010 12:31:36 +0000

Datorren larunbatean, hilak 4, Argantzuko III Crosscountrya, Euskadiko Txapelketako IV. proba, korrituko da. Udako geldialdiaren ostean, Euskal Federazioak antolatutako lasterketei ekingo zaie txapelketa honekin beraz; pilotuak hasteko irrikitan egongo dira. Gainera, aurten eta egindako ibilibidea saritzeko asmoz, junior, senior zein beteranoen lehenbiziko hirurak Matamalara (Soria) joango dira, Euskadiko koloreak soinean dituztela, iparraldeko erkidegoen txapelketan lehiatzeko.

Zigor Iturrieta, hirugarren Mont Blanceko Ultra Trailean

oiane — Thu, 02 Sep 2010 09:41:31 +0000

Mendiko lasterketako Euskal Selekzioko kide den Zigor Iturrieta hirugarren suertatu da Mont Blanceko Ultra Trail proban. Herninako korrikalariak 10h49m18s denboran bete zuen Courmayeur eta Chamonix arteko 90 kilometroko ibilbidea.

Mahai tenisa: Alonsoren arrakasta I Copa Costa Rican

oiane — Thu, 02 Sep 2010 09:12:00 +0000

Abuztuan, minusbaliatuentzako I Copa Costa Rica jokatu zen herrialde horretako San Jose hirian. Gasteizko Zuzenak Klubeko David Alonsok txapelketan parte hartu zuen, Alvaro Valera eta Javier Gomezekin batera.
Emaitza ederrak lortu zituen Alonsok, urrezko domina taldekako mailan Alvaro Valerarekin eta zilarrezkoa norbanakoetan. Garaipen horiek izugarrizko balioa dute gainera, izan ere Belgikako top tenean dagoen Nico Vergeyleni eta ranking onenarekin Ozeaniako txapelduna den Khazele Zhukawori birritan irabazi zien.

Floren Nazabal Euskadiko Aizkora Txapelketako finalean izango da

oiane — Tue, 31 Aug 2010 09:59:34 +0000

Floren Nazabalek egin zuen beste behin Maila Nagusiko Euskadiko Aizkora Txapelketaren kanporaketako denborarik onena (19:27), Berrobin. Berarekin batera, Iñaki Azurmendi, Joxemari Olasagasti, Juan Jose Lopez, Joseba Otaegi eta Jexuxmari Mujika sailkatu dira finalerako.

Berrobiko plazan jokatu zen kanporaketa, 600 ikusle lekuko zirela. 54 ontzako bi enbor, 60 ontzako bi enbor eta 72 ontzako bi enbor ebaki behar zituzten, aizkolariak hiru txandatan banatuta. Hamaika aizkolari lehiatu ziren, Aitzol Atutxa eta Jon Rekondo lehen aldiz Maila Nagusiko kanporaketan. Atutxa 23 segundogatik ez zen sailkatu finalerako eta Rekondo berriro bigarren mailara jaitsi da.
Una vez mas, Floren Nazabal consiguio la mejor clasificacion (19:27) en la eliminatoria de la Euskadiko Aizkora Txapelketa celebrada en Errobi. Iñaki Azurmendi, Joxemari Olasagasti, Juan Jose Lopez, Joseba Otaegi y Jexuxmari Mujika le acomaaran en la final.

El acontecimiento fue seguido por unas 600 personas reunidas en la plaza de Berrobi. Los aizkolaris tuvieron que cortar dos troncos de 54 onzas, dos de 60 y otros dos de 72 en tres tandas. En total particiaron 11 aizkolaris, entre ellos Aitzol Atutxa y Jon rekondo por rimera vez en esta categoria. Mientras que Atutxa no se clasifico por 23 segundos, Rekondo descendio de nuevo a la segunda division.

Trial: Jaime Busto, Europako txapelduna

oiane — Tue, 31 Aug 2010 08:57:04 +0000

12 urteko Jaime Busto pilotu gorliztarra Europako Youth Inter 125 cc Txapelketako azkeneko proban gailendu da.Joan den asteburuan, Tanvalden (Txekiar Errepublika) antolatutako txapelketan eskuratu zuen garaikurra kadete mailako kirolariak.

Edurne Pasaban, aurreneko emakumea 14 zortzimilakoak igotzen

oiane — Mon, 30 Aug 2010 10:29:36 +0000

Miss Hawley mendi-epaileak mendizale gipuzkoarrari komunikatu baten bitartez jakinarazi dionez, ez du ontzat ematen Miss Oh korearrak Kanchenjunga igo izana, beraz bera da lehenbizikoa.